1. ТЕРМИНДЕР МЕН АНЫҚТАМАЛАР
Осы Қағидалардың мәтінінде, сондай-ақ Қосалқы лицензиялық келісім-шартта пайдаланылатын терминдер мынадай анықтамаларға ие:
1.1. Аккаунт —Ақырғы пайдаланушы тіркелген кезде көрсеткен, 2gis сервисінің жеке кабинетінде тіркелген кезде енгізген деректермен сәйкестендірілген Ақырғы пайдаланушының есептік жазбасы.
1.2. Ақырғы пайдаланушылар — 1−10 Локацияға ие, Қосалқы лицензиардан «Отзывы Про» бағдарламалық жасақтамасына ерекше емес қосалқы лицензияны сатып алатын Қазақстан Республикасының резиденттері.
1.3. Лицензиар — «Дата деливери» ЖШҚ, Беларусь Республикасының заңнамасы бойынша белгіленген тәртіппен құрылған заңды тұлға, тіркеу нөмірі 192 980 243, Объектті Ақырғы пайдаланушыларға одан әрі пайдалануға ерекше емес қосалқы лицензияны беру мүмкіндігі бар Объектті пайдалануға ерекше емес лицензияны беретін Объекттің құқық иесі.
1.4. Лицензия— қолданылу мерзімі Лицензия белсендірілген күннен бастап 1 (бір) күнтізбелік айды құрайтын Объектті Қазақстан Республикасының аумағында пайдалануға ерекше емес қосалқы лицензия.
1.5. Жеке кабинет — Ақырғы пайдаланушы Сайтта тіркелгеннен және/немесе авторизациядан өткеннен кейін қол жеткізе алатын Сайттың дербес бөлімі. Жеке кабинет Ақырғы пайдаланушының ақпаратын сақтауға, Ақырғы пайдаланушының өзі туралы немесе пайдаланушы өкілі болып табылатын заңды тұлға / жеке кәсіпкер туралы анықтамалық ақпаратқа өзгертулерді Ұйымдардың анықтамалығына енгізуге арналған.
1.6. Локация— үй-жайы (филиалы/мекемесі/бөлімшесі) туралы ақпарат Серіктес Сайттарда орналастырылатын Ақырғы пайдаланушының үй-жайының (филиалының/мекемесінің/бөлімшесінің) өзгермейтін нақты мекенжайы мен атауы.
1.7. Төлеуші— Қосалқы лицензиялық келісім-шарт бойынша төлемді жүзеге асыратын тұлға (оның ішінде Ақырғы пайдаланушы).
1.8. Алаң— http://otzyvypro.io /доменінде орналасқан және логин мен құпиясөзді пайдалану арқылы қолжетімді, Ақырғы пайдаланушыға Объектте жұмыс істеуге мүмкіндік беретін сайт бөлімі
1.9. «Отзывы Про» бағдарламалық жасақтамасы, Объект— Ақырғы пайдаланушылардың бастамасы, нұсқауы және еркі бойынша функционал арқылы Серіктес Сайттарда орналастырылған Ақырғы пайдаланушылар туралы ақпараттың өзектілігін тексеруге, Серіктес Сайттарға жаңартылған ақпаратты жіберуге, Ақырғы пайдаланушылар үшін Серіктес Сайттарда орналастырылған пайдаланушылардың олардың жұмысы туралы пікірлері мен сұрақтары туралы ақпаратты жинауға, Ақырғы пайдаланушылардың пікірлерге және/немесе сұрақтарға жауаптарын жіберуге, сыртқы іздеу платформаларындағы пікірлердің санын (QR-кодтарды, тікелей гипер-сілтемелер мен жіберілімдерді Объекттің функционалдық мүмкіндіктері шеңберінде Объектке қолжетімді мөлшерде қалыптастыру арқылы) көбейтуге, сондай-ақ Yandex Maps-те және ВКонтакте сервисінде жарияланымдар мен жаңалықтарды орналастыруға мүмкіндік беретін Лицензиардың бағдарламалық жасақтамасы. Ақырғы пайдаланушы Серіктес Сайттарда ақпаратты жариялау және пікірлерге жауап беру туралы соңғы шешімді Серіктес Сайттар, ал жарияланымдар мен жаңалықтарды орналастыруға қатысты соңғы шешімді Yandex Maps және ВКонтакте сервисі қабылдайтынын түсінеді. Ақырғы пайдаланушылар туралы контентті бекіту және Серіктес Сайттарда жариялау сол сайттардың ұсыныстарына байланысты.
1.10. Лицензиардың сайттары— Интернет желісінде rocketdata. io, rocketdata.ru домендерінде орналасқан ақпараттық ресурстар.
1.11. Серіктес Сайттар — Ақырғы пайдаланушылар туралы ақпарат орналастырылатын, Ақырғы пайдаланушылардан, олардың өкілдерінен және/немесе үшінші тұлғалардан жаңартылған ақпаратты қабылдайтын үшінші тұлғаларға тиесілі ақпараттық ресурстар. Серіктес Сайттардың тізбесі осы Қағидалардың № 1 қосымшасында көрсетілген.
1.12. Қосалқы лицензиардың Сайты (Сайт) — Интернет желісінде 2gis.ru доменінде, басқа домендерде орналасқан ақпараттық ресурстар.
1.13. Қосалқы лицензиялық келісім-шарт— осы Қағидаларда көзделген тәртіппен жасалатын және орындалатын Ақырғы пайдаланушы мен Қосалқы лицензиар арасындағы «Отзывы Про» бағдарламалық жасақтамасын пайдалануға ерекше емес қосалқы лицензияны беру туралы келісім-шарт.
1.14. Тарифтік жоспар — «Отзывы Про» бағдарламалық жасақтамасының функционалдық мүмкіндіктерінің белгілі бір көлемі. Тарифтік жоспар Қосалқы лицензиардың прайс-листімен белгіленеді және Ақырғы пайдаланушымен Ақырғы пайдаланушының Локацияларының санына қарай төленеді.
1.15. Хабарлама— Қосалқы лицензиар Ақырғы пайдаланушыға жіберетін, Объектті пайдалану құқықтарын белсендіру туралы ақпараты бар хабарлама.
1.16. Электронды пошта — Қосалқы лицензиар үшін: 2gis. kz домені бар кез келген адрес; Ақырғы пайдаланушы үшін: Қосалқы лицензиялық келісім-шартта/Аккаунтта көрсетілген адрес.

2. ҚОСАЛҚЫ ЛИЦЕНЗИЯЛЫҚ КЕЛІСІМ-ШАРТ ЖАСАСУ ТӘРТІБІ
2.1. Қосалқы лицензиялық келісім-шарт мына жолдармен жасалуы мүмкін:
2.1.1. Қосалқы лицензиялық келісім-шартқа қол қою арқылы — Тараптардың Қосалқы лицензиялық келісім-шартқа қол қоюы Ақырғы пайдаланушының осы Қағидалармен танысқанын және олармен сөзсіз келіскенін растайды және олардың арасында осы Қағидалар мен Қосалқы лицензиялық келісім-шарттың шарттарында келісім-шарттық қатынастарды құрады.
Қосалқы лицензиялық келісім-шарт Тараптардың Объектті пайдалану құқығын беруге арналған Қосалқы лицензиялық келісім-шарттың елеулі шарттарын қамтитын Тапсырыс бланкіне қол қою арқылы жасалуы мүмкін. Ақырғы пайдаланушының Тапсырыс бланкіне қол қоюы оның осы Қағидалардың барлық ережелерімен сөзсіз келіскенін растайды және Қосалқы лицензиар мен Ақырғы пайдаланушы арасында осы Қағидалар мен Қосалқы лицензиялық келісім-шарттың шарттарында келісім-шарттық қатынастарды құрады.
2.2. Тараптардың Қосалқы лицензиялық келісім-шартқа (Тапсырыс бланкіне) қол қойған күні Қосалқы лицензиялық келісім-шартты жасасу күні болып табылады.
2.3. Ақырғы пайдаланушыға Объектке ерекше емес қосалқы лицензияны берудің міндетті шарты Ақырғы пайдаланушының Қосалқы лицензиялық келісім-шарт бойынша Тараптардың қатынастарына қолданылатын Тараптар үшін мынадай міндетті құжаттармен (бұдан әрі — Міндетті құжаттар) айқындалатын талаптар мен ережелерді сөзсіз қабылдауы және сақтауы болып табылады:
2.3.1. 2GIS сервистерін пайдалану туралы келісім-шарт және Интернет желісінде law.2gis.kz/rules/ адресі бойынша орналастырылған және/немесе қолжетімді және Сайтта тіркелудің және платформа мен сервистерді пайдаланудың жалпы шарттарын көздейтін онда көрсетілген құжаттар.

3. ҚОСАЛҚЫ ЛИЦЕНЗИЯЛЫҚ КЕЛІСІМ-ШАРТТЫҢ МӘНІ
3.1. Қосалқы лицензиар Ақырғы пайдаланушыға Қосалқы лицензиялық келісім-шартта көзделген мерзім ішінде және көлемде «Отзывы Про» бағдарламалық жасақтамасын пайдалануға (Ақырғы пайдаланушының қосалқы лицензияны кімге болмасын одан әрі беруіне тыйым сала отырып) ерекше емес қосалқы лицензияны береді, ал Ақырғы пайдаланушы Қосалқы лицензиарға лицензиялық сыйақыны Қосалқы лицензиялық келісім-шартта белгіленген мөлшерде, тәртіппен және шарттарда төлеуге міндеттенеді.
3.2. Ақырғы пайдаланушы Объектті мынадай тәсілдермен пайдалануға құқылы: Объектті іске қосу және онымен жұмыс істеу, атап айтқанда, Объектті іске қосу және оның оған енгізілген функционалдық мүмкіндіктер шеңберінде жұмыс істеуі.
Ақырғы пайдаланушының осы Қағидалардың ережелерін ескере отырып, Ақырғы пайдаланушы төлеген уақыт мерзімі ішінде Объекттің тікелей мақсатына сәйкес жұмыс істеуіне байланысты тәсілдермен, және Тарифтік жоспарда көзделген функционалдылық көлемінде Объектті тікелей мақсаты бойынша пайдалану мақсатында Объектке қол жеткізуге құқығы бар.
Ақырғы пайдаланушыға Объектті түрлендіруге, яғни оған мына өзертулерден басқа кез келген өзгертулер енгізуге тыйым салынады:
— Объекттің баптауларын өзгерту немесе Лицензиардың/Қосалқы лицензиардың Сайттарындағы құжаттамада, ақпаратта сипатталған Объекттің пайдаланушы интерфейсінің мүмкіндіктерін пайдалану жолымен жүзеге асырылатын өзге де осындай өзгертулер;
— тек Объекттің Ақырғы пайдаланушының нақты техникалық құралдарында жұмыс істеуі үшін немесе Ақырғы пайдаланушының нақты бағдарламаларының басқаруымен жүзеге асырылатын бейімдеулерден, яғни өзгертулерден, оларды жүзеге асыру тәсіліне қарамастан.
Ақырғы пайдаланушыға мына әрекеттерді жасауға тыйым салынады:
— Объектті қайта өңдеуді, декомпиляциялауды, дизассемблерлеуді, түрлендіруді жүзеге асыруға;
— Объектке құқықтарды үшінші тұлғаларға беруге;
— Объекттің және/немесе оған кіретін дерекқорлардың құрылымын, олардың ішіндегі мәліметтердің құрамын өзгертуге (мұндай әрекеттер Объекттің функционалында және/немесе Объектке арналған техникалық құжаттамада көзделген жағдайларды қоспағанда);
— Объекттің бастапқы кодын (бастапқы мәтінін) қалпына келтіруге бағытталған кез келген әрекеттерді жүзеге асыруға;
— кез келген белгілерді және/немесе ақпаратты, оның ішінде зияткерлік құқықтарды қорғау белгілерін, дараландыру құралдарын, авторлық құқықтарды қорғаудың техникалық құралдарын жоюға;
— авторлық құқықты қорғаудың техникалық құралдарының жұмысын бұғаттауға;
— құрылуын Объекттің функционалы көздейтін дербес компиляцияланатын бағдарламалық модульдерді (плагиндерді) құруды қоспағанда, Объекттің немесе оның кез келген элементінің (аудиовизуалды қатарды және бастапқы кодты қоса алғанда) негізінде қандай да бір туынды өнімдерді өзгертуге немесе жасауға;
— Объектті құрамдас бөліктерге бөлуге;
— технологияны ашуға, Объекттің бастапқы кодын бұзуға немесе басқа жолмен шығарып алуға тырысуға, бастапқы кодқа қандай да бір өзгертулер енгізуге, Объекттің функционалын өзгертуге;
— Объектті басқа жолмен мақсаты бойынша емес пайдалануға.
3.3. Берілетін ерекше емес қосалқы лицензияның қолданылу аумағы — Қазақстан Республикасы.
3.4. Тараптар Қосалқы лицензиялық келісім-шарт жасасқан жағдайда Объектті пайдалану құқығы Ақырғы пайдаланушыға Қосалқы лицензиялық келісім-шартта келісілген тәртіппен, мыналарды ескере отырып, беріледі:
3.4.1. Бірінші Лицензияны пайдалану құқығы Қосалқы лицензиарда Қосалқы лицензиялық келісім-шарттың скан-көшірмесі Қосалқы лицензиардың есеп айырысу шотына ерекше емес қосалқы лицензияны пайдаланғаны үшін сыйақы есептелген айдан кейінгі күнтізбелік айдың бірінші күнінен кешіктірілмей болған жағдайда, Ақырғы пайдаланушының Электронды адресіне Хабарлама жіберу арқылы беріледі. Қосалқы лицензиардың әрбір келесі Лицензияны пайдалану құқығын беру жөніндегі міндетін орындау күні тиісті күнтізбелік айдың бірінші күні болып табылады, ол Ақырғы пайдаланушының Электронды адресіне Хабарламаның жіберілуімен расталады.
Ақырғы пайдаланушы Қосалқы лицензиялық келісім-шарттың скан-көшірмесі берілмеген жағдайда, Қосалқы лицензиар бірінші Лицензияны Қосалқы лицензиялық келісім-шарттың скан-көшірмесі берілгеннен кейінгі айдан кейінгі күнтізбелік айдың бірінші күнінен кешіктірмей беруге құқылы екендігімен келіседі.
3.4.2. Бірінші лицензияны пайдалану құқығы сыйақы қосалқы Лицензиардың есеп айырысу шотына келіп түскен күннен бастап 5 (бес) жұмыс күні ішінде және Ақырғы пайдаланушының Электронды адресіне Хабарлама жіберу арқылы Қосалқы лицензиялық келісім-шарттың скан-көшірмесі болған жағдайда беріледі. Әрбір келесі Лицензияны пайдалану құқығы алдыңғы Лицензияның қолданылу мерзімі аяқталған күннен бастап 30 (отыз) күнтізбелік күн өткен соң беріледі, ол Ақырғы пайдаланушының Электронды адресіне Хабарламаның жіберілуімен расталады.
3.4.3. Ақырғы пайдаланушы Ақырғы пайдаланушы лицензиялық сыйақыны төлемеген, толық төлемеген жағдайда, төлем тағайындалмаған немесе Қосалқы лицензиялық келісім-шартқа сәйкес келмейтін төлем мақсаты көрсетілген жағдайда, Қосалқы лицензиар Ақырғы пайдаланушыға Объектті пайдалану құқығын бермеуге құқылы екендігімен келіседі.
3.5. Қосалқы лицензиялық келісім-шартқа (Тапсырыс бланкіне) қол қою арқылы Ақырғы пайдаланушы Ақырғы пайдаланушының Электронды адресіне тиісті Хабарламаның жіберілуі туралы Қосалқы лицензиар жағында жинақталған деректер Ақырғы пайдаланушының Электронды адресіне тиісті Хабарламаның жіберілуі фактінің жеткілікті растамасы болып табылатындығымен келіседі.
3.6. Қосалқы лицензиар Ақырғы пайдаланушыға Хабарлама жіберген сәттен бастап Объектті пайдалануға ерекше емес қосалқы лицензия Қосалқы лицензиармен берілді және Ақырғы пайдаланушымен алынды деп есептеледі. Ерекше емес лицензия материалдық тасымалдағышта берілмейді. Техникалық ақаулар болған жағдайда, Объектті пайдалану құқығы мәселе жойылғаннан кейін бірден беріледі.
3.7. Қосалқы лицензиар Объектті пайдалануға және таратуға барлық өкілеттіктерге ие екендігіне кепілдік береді. Ақырғы пайдаланушы Объектті пайдалану кезінде Лицензиардың/Қосалқы лицензиардың құқықтарын, сондай-ақ үшінші тұлғалардың зияткерлік құқықтарын бұзбау міндетін мойындайды. Қосалқы лицензиар Лицензиармен лицензиялық келісім-шарт шектеген шекте Объектке иелік ету құқығын, Объектті Ақырғы пайдаланушымен бірдей дербес пайдалану құқығын, сондай-ақ Объектке ерекше емес қосалқы лицензияларды үшінші тұлғаларға беру құқығын өзіне сақтайды.
3.8. Ақырғы пайдаланушы Қосалқы лицензиялық келісім-шартты жасасу және орындау үшін қажетті барлық құқықтар мен өкілеттіктерге ие екендігіне кепілдік береді.
3.9. Ақырғы пайдаланушыларға Объектті пайдалануға қатысты ақпараттық қолдау ерекше емес қосалқы лицензияның қолданылу мерзімі ішінде жұмыс уақытында көрсетіледі. Қолдау helpdata@2gis.ru e-mail-і арқылы жүзеге асырылады. Ақпараттық қолдау Ақырғы пайдаланушылар Объектпен жұмыс істеу үшін пайдаланатын серверлердің жұмысындағы ақауларды диагностикалауды, сондай-ақ Ақырғы пайдаланушыларда туындайтын өзге де мәселелерді шешуді қамтымайды.
3.10. Ақырғы пайдаланушыларға Объектті пайдалануға қатысты техникалық қолдау ерекше емес қосалқы лицензияның қолданылу мерзімі ішінде жұмыс уақытында көрсетіледі. Қолдау 2gis@rocketdata.io e-mail-і, сондай-ақ саппорт-порталдағы өтінімдер арқылы жүзеге асырылады. Техникалық қолдау Ақырғы пайдаланушылар Объектпен жұмыс істеу үшін пайдаланатын серверлердің жұмысындағы ақауларды диагностикалауды, сондай-ақ Ақырғы пайдаланушыларда туындайтын өзге де мәселелерді шешуді қамтымайды.
3.11. Лицензиардың Лицензиардың Сайттарының, Объекттің жұмыс қабілеттілігін қолдауға бағытталған жоспарлы техникалық жұмыстарды, сондай-ақ өзге де қажетті жұмыстарды жүргізуге құқығы бар, осыған байланысты Лицензиардың Сайттары, Объект бір күнтізбелік ай ішінде 8 (сегіз) сағаттан аспайтын мерзімде (бір рет) пайдалануға қолжетімді болмауы мүмкін. Мұндай жұмыстар Объектке қолжетімділікті штаттық режимде беру ретінде қарастырылады және нақты Тарифтік жоспар бойынша Ақырғы пайдаланушы төлеген сомаларды қайта есептеу үшін негіз болып табылмайды.
3.12. Қосалқы лицензиар Сайтында жарияланатын, осы Қағидаларда көзделген әрекеттерді орындау тәртібін белгілейтін нұсқаулар (сипаттамалар, талаптар және т.б.) Ақырғы пайдаланушының орындауы үшін міндетті.
3.13. Осы Қағидалардың шарттарын орындау және Ақырғы пайдаланушыға Объектке ерекше емес қосалқы лицензияны беру мақсатында, Қосалқы лицензиар IP-адрестерді, cookies-ті және сұратылған беттердің адрестерін қоса алғанда, Ақырғы пайдаланушының, оның қызметкерлерінің Қосалқы лицензиардың ақпараттық-техникалық ресурстарына барлық қосылымдары туралы ақпаратты, егер мұндай ақпарат Объектке ерекше емес қосалқы лицензияны беру барысында алынған болса, сақтауға құқылы.
3.14. Ақырғы пайдаланушы Қосалқы лицензиарға Ақырғы пайдаланушының атауын, тауар белгілерін және (немесе) қызмет көрсету белгілерін, Ақырғы пайдаланушының эмблемаларын және өзге де символикасын пайдалану құқығын, жарнамалық (оның ішінде Қосалқы лицензиардың қызметтерін жарнамалауда), маркетингтік мақсаттарда (оның ішінде Қосалқы лицензиардың маркетингтік науқандарды жүргізуінде), жұрт алдында сөз сөйлеуде, пресс-релиздерде пайдалану үшін Ақырғы пайдаланушының сайтына апартын сілтемені береді. Бұл ретте Қосалқы лицензиар мұндай қызметтердің қолжетімділігіне кепілдік бермейді, ал Ақырғы пайдаланушы жоғарыда көрсетілгендердің кейіннен кез келген уақытта қабылданбауы немесе жойылуы мүмкін екенін түсінеді және онымен келіседі.

4. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ
4.1. Қосалқы лицензиар мыналарға міндеттенеді:
4.1.1 Ақырғы пайдаланушыға Объектке ерекше емес қосалқы лицензияны Қосалқы лицензиялық келісім-шартта көрсетілген көлемде және мерзімге беруге;
4.1.2. Объекттің дұрыс жұмыс істеуі үшін қандай да бір кедергі жасамауға.
4.2. Қосалқы лицензиардың мыналарға құқығы бар:
4.2.1 Ақырғы пайдаланушы осы Қағидалардың және Қосалқы лицензиялық келісім-шарттың шарттарын, Қосалқы лицензиардың Сайттарында орналастырылған міндетті ақпаратты бұзған жағдайда, Объектке ерекше емес қосалқы лицензияны бермеуге;
4.2.2 егер Ақырғы пайдаланушы осы Қағидаларды және Қосалқы лицензиялық келісім-шартты, Қосалқы лицензиардың Сайттарында орналастырылған міндетті ақпаратты бұзуын жоймаса, Объектке ерекше емес қосалқы лицензияны біржақты тәртіппен кері қайтарып алуға (күшін жоюға);
4.2.3 Ақырғы пайдаланушының кінәрат-талаптарын, олар осындай кінәрат-талаптар берілуі мүмкін мерзімдер (осы Қағидалардың 4.3.4.-тармағы) өткеннен кейін берілген жағдайда, қарастыруға қабылдамауға;
4.2.4 ерекше емес қосалқы лицензияны сатып алуға арналған Тарифтік жоспарларды Қосалқы лицензиардың Сайтында тиісті өзгертулерді міндетті түрде жариялаумен Ақырғы пайдаланушыны алдын ала ескертусіз және оның келісімінсіз өзгертуге;
4.2.5 Ақырғы пайдаланушымен төленген Объектті пайдалану құқығының мерзімі өткеннен кейін Ақырғы пайдаланушының Объектке қолжетімділігін тоқтатуға;
4.2.6 Қосалқы лицензиардың Сайтынан көшірілген заңсыз орналастырылған контентті, Қосалқы лицензиардың Сайтына апаратын сілтемелерді, Қосалқы лицензиардың Сайтының көмегімен жасалған фреймдерді дереу жоюды талап етуге;
4.2.7 Ақырғы пайдаланушыдан ол берген ақпаратты, оның ішінде орналасқан жері, телефон нөмірлері және т.б. туралы ақпаратты, растауды сұратуға, қосымша ақпаратты (сертификаттарды, лицензияларды), сондай-ақ Ақырғы пайдаланушы Қазақстан Республикасының қолданыстағы заңнамасының нормаларын бұзады деп пайымдауға негіздер болған жағдайда немесе Қосалқы лицензиар құқық қорғау органдарынан тиісті сұратымды алған жағдайда, қосымша байланыс ақпаратын сұратуға. Ақырғы пайдаланушы көрсетілген ақпаратты беруден бас тартқан жағдайда, сондай-ақ мұндай ақпарат шынайы болмаған жағдайда, Қосалқы лицензиар Ақырғы пайдаланушының Объектке қол жеткізу құқығын төленген мерзім аяқталғанға дейін шектеуге, Ақырғы пайдаланушының Аккаунтының күшін жоюға құқылы;
4.2.8 Аккаунттың есептік деректерін ол туралы ақпарат сол Аккаунтта орналастырылған компанияға меншік құқығын шынайы растаған тұлғаға, егер Қосалқы лицензиялық келісім-шарт бойынша ерекше емес қосалқы лицензияны төлеген Ақырғы пайдаланушы өзге тұлға болып табылса да, осындай төлемді өтемей, беруге;
4.2.9. Ақырғы пайдаланушы осы Қағидалардың шарттарын бұзған жағдайда немесе соттың немесе Қазақстан Республикасының өзге де құзыретті органдарының талабы бойынша немесе халықаралық құқық нормаларына сәйкес Объектке қолжетімділікті бұғаттауға;
4.2.10. Ақырғы пайдаланушы Объектті пайдалану арқылы орналастырған ақпаратты жоюға, егер ол Қазақстан Республикасы заңнамасының талаптарын және/немесе осы Қағидалардың шарттарын бұзса, сондай-ақ орналастырылған ақпараттың олардың құқықтарын бұзатынын растайтын үшінші тұлғалар сұратқан жағдайда;
4.2.11. Қосалқы лицензиялық келісім-шартты орындаудан оның қолданылу мерзімі аяқталғанға дейін біржақты бас тарту құқығын осындай бас тарту күніне дейін 14 (он төрт) күнтізбелік күн бұрын Ақырғы пайдаланушыға Ақырғы пайдаланушының Электронды адресі бойынша алдын ала жазбаша хабарлау шартымен пайдалануға және Ақырғы пайдаланушыға Қосалқы лицензиарға келіп түскен алдын ала төлемнің Ақырғы пайдаланушы пайдаланбаған бөлігін (яғни ерекше емес Лицензиялар берілмеген алдын ала төлемнің бөлігін) төлеуге. Қаржылық есеп айырысулар Ақырғы пайдаланушыға хабарлама жіберілген сәттен бастап 30 (отыз) күнтізбелік күннен кешіктірілмей жүргізілуі тиіс.
4.3. Ақырғы пайдаланушы мыналарға міндеттенеді:
4.3.1 осы Қағидалардың және Қосалқы лицензиялық келісім-шарттың шарттарын, Қосалқы лицензиардың Сайтында/Лицензиардың Сайттарында орналастырылған міндетті құжаттаманың талаптарын сақтауға;
4.3.2. Объектке ерекше емес қосалқы лицензияны Қағидаларда және Қосалқы лицензиялық келісім-шартта белгіленген тәртіппен, мөлшерде және мерзімде төлеуге, сондай-ақ Қосалқы лицензиялық келісім-шарттың қол қойылған данасын Қосалқы лицензиарға беруге. Қол қойылған Қосалқы лицензиялық келісім-шарттың түпнұсқасын беру мүмкін болмаған жағдайда, Ақырғы пайдаланушы қол қойылған Қосалқы лицензиялық келісім-шарттың скан-көшірмесін беруге міндеттенеді, кейін Қосалқы лицензиялық келісім-шарттың түпнұсқасын оған қол қойылған сәттен бастап 10 (он) күнтізбелік күн ішінде жібереді;
4.3.3. Қосалқы лицензиардан алынған қызметтік ақпараттың (сілтемелердің, қолжетімділік аттары мен құпиязсөздерінің, Қосалқы лицензиар мамандарының ұялы телефон нөмірлерінің және т.б.) сақталуын және құпиялылығын қамтамасыз етуге, Аккаунтқа қол жеткізу құқығын беретін есептік деректерді (логинді, құпиясөзді, тіркеу кезінде пайдаланылған электронды пошта адресін) құпия сақтауға, уақытша құпиясөзді оны алған сәттен бастап 3 (үш) сағат ішінде ауыстыруға. Қосалқы лицензиарға осы деректерді пайдалана отырып немесе Электронды пошта адресін пайдалана отырып жіберілген кез келген ақпарат уәкілетті тұлғадан келіп түскен ақпарат ретінде қарастырылады;
4.3.4. Қосалқы лицензиар беретін Объектке ерекше емес қосалқы лицензия бойынша кінәрат-талаптар болған жағдайда, бұл туралы Қосалқы лицензиарға Объектке ерекше емес қосалқы лицензия Ақырғы пайдаланушыға берілген сәттен бастап 10 (он) күнтізбелік күн ішінде жазбаша түрде қағаз тасымалдағышта хабарлау қажет;
4.3.5. Объектті адал және ақылмен пайдалануға, оның ішінде Қосалқы лицензиялық келісім-шарт жасасу арқылы Ақырғы пайдаланушы осы Қағидаларды орындау барысында олар туралы ақпарат өңделетін, орналастырылатын, жаңартылатын әрбір компанияға, интернет-ресурсқа, сауда немесе сервис объектісіне қатысты жеткілікті өкілеттіктері бар екенін растайды;
4.3.6. Қосалқы лицензиарға өзі, өз бизнесі, компаниясы, интернет-ресурстары және Объект пайдаланылатын басқа да объекттер туралы өзекті және шынайы ақпарат беруге және Қосалқы лицензиарға осындай деректерге енгізілетін барлық өзгертулер туралы уақтылы хабарлауға;
4.3.7. оның Аккаунтына байланысты қауіпсіздіктің бұзылуы немесе үшінші тұлғаның Объектті заңсыз пайдалануы анықталғаннан кейін дереу Қосалқы лицензиарға хабарлауға;
4.3.8. Объектті пайдаланудың техникалық мүмкіндігін өз бетінше қамтамасыз етуге, оның ішінде:
— Интернет желісіне қолжетімділікті;
— Объектке қол жеткізу жүзеге асырылатын Ақырғы пайдаланушының компьютерінде интернет-сайттарды қарауға арналған бағдарламалық жасақтаманың болуын;
4.3.9. Қосалқы лицензиардың Сайтында вирустар мен өзге де зиянды бағдарламалардың файлдарын орналастырмауға, Объектті пайдалану арқылы зиянды бағдарламаларды және/немесе контрафактілік өнімдерді таратпауға, Объектті Объект тікелей арналмаған Интернеттегі өзге де әрекеттер үшін пайдаланбауға;
4.3.10. Қосалқы лицензиардың Сайтында, сондай-ақ өзінің Жеке кабинетінде, Аккаунтында осы Қағидалардың, Тарифтік жоспарлардың мазмұнымен танысу арқылы осы Қағидаларға енгізілген барлық өзгертулерді, Тарифтік жоспарларға енгізілген өзгертулерді өз бетінше қадағалап отыруға;
4.3.11. Объекттің дұрыс жұмыс істеуі үшін қандай да бір кедергі жасамауға;
4.3.12. Ақырғы пайдаланушының деректемелері (оның ішінде байланыс телефондары, факстары, электронды пошта адресі, пошта мекенжайы, банк деректемелері) өзгерген жағдайда, ол туралы Қосалқы лицензиарға бес күнтізбелік күн ішінде хабарлауға. Қосалқы лицензиарға хабарларды жібермеуге байланысты ықтимал жағымсыз салдарлардың қаупін өз бетінше көтеруге.
4.4 Ақырғы пайдаланушының мыналарға құқығы бар:
4.4.1 Қосалқы лицензиардан Объектке ерекше емес қосалқы лицензияны беру бойынша өз міндеттемелерін тиісінше орындауды талап етуге;
4.4.2 Қосалқы лицензиялық келісім-шарттың орындалуына байланысты туындайтын мәселелер бойынша Қосалқы лицензиардан осы Қағидаларда көрсетілген тәртіппен ақпараттық қолдау алуға.
4.4.3. Қосалқы лицензиялық келісім-шартта көрсетілген Электронды адрес бойынша Лицензияның қолданылуы тоқтатылған күнге дейін 14 (он төрт) күнтізбелік күн бұрын жазбаша өтініш жіберу арқылы Объектті пайдаланудан бас тартуға:
4.4.3.1. Объектті пайдалану құқығы осы Қағидалардың 3.4.1.-тармағына сәйкес берілген жағдайда, Қосалқы лицензиялық келісім-шарт Ақырғы пайдаланушының өтініші алынған ағымдағы айдың соңына дейін қолданылады және ағымдағы ай аяқталған сәтте Қосалқы лицензиялық келісім-шарттың қолданылу мерзімі тоқтатылады.
Қағидалардың 4.4.3.-тармағында белгіленген Объектті пайдаланудан бас тарту туралы хабарлау мерзімі бұзылған жағдайда, Қосалқы лицензиялық келісім-шарт Ақырғы пайдаланушыдан хабарлама алынған ағымдағы айдан кейінгі айдың соңына дейін қолданылады.
4.4.3.2. Объектті пайдалану құқығы Қағидалардың 3.4.2.-тармағына сәйкес берілген жағдайда, Қосалқы лицензиялық келісім-шарт тиісті Лицензияның қолданысы аяқталғанға дейін қолданылады.
Қағидалардың 4.4.3.-тармағында белгіленген Объектті пайдаланудан бас тарту туралы хабарлау мерзімі бұзылған жағдайда, Қосалқы лицензиялық келісім-шарт келесі Лицензияның қолданысы аяқталғанға дейін қолданылады.
4.4.4. Ақырғы пайдаланушы Объектті пайдалану құқығынан бас тартқан жағдайда, пайдаланылмаған Лицензиялар үшін төленген сыйақы сомасы Төлеушіге қайтарылады. Қаржылық есеп айырысулар Ақырғы пайдаланушы хабарлама жіберген сәттен бастап 30 (отыз) күнтізбелік күннен кешіктірілмей жүргізілуі тиіс.

5. СЫЙАҚЫ МӨЛШЕРІ, ЕСЕП АЙЫРЫСУ ТӘРТІБІ
5.1. Ерекше емес қосалқы лицензия бойынша төлемнің бағасы мен валютасы Қосалқы лицензиялық келісім-шартқа (Тапсырыс бланкіне) қол қойылған күні қолданылған Тарифтік жоспарға сәйкес Қосалқы лицензиялық келісім-шартта (Тапсырыс бланкінде) айқындалады.
Қосалқы лицензиялық келісім-шарт бойынша төлемді үшінші тұлға жүргізуі мүмкін.
5.2. Қосалқы лицензиялық келісім-шарт жасасу кезінде Төлеуші Қосалқы лицензиардың шоты негізінде бірінші Лицензияның қолданылуы басталғанға дейін Қосалқы лицензияны пайдаланудың бүкіл мерзімі үшін 100% алдын ала төлем тәртібімен төлем жүргізуге міндетті. Есепшотты Қосалқы лицензиар Қосалқы лицензиялық келісім-шартқа қол қоюмен бір мезгілде ұсынады.
Қосалқы лицензиялық келісім-шартпен төлеудің өзге тәртібі (төлемдер кестесі бойынша төлеу) белгіленуі мүмкін. Төлеуші төлемдер кестесі бойынша төлеуді бұзған жағдайда (төлемдерді төлемеу, төлемді толық төлемеу), Қосалқы лицензиар Объектті пайдалану құқығын бермеуге құқылы. Төлем Қосалқы лицензиарға төлем кестесі бойынша түсуі тиіс болған күні Қосалқы лицензиар Қосалқы лицензиялық келісім-шартты бұзу туралы хабарлама жібереді және Қосалқы лицензиялық келісім-шартты бұзу туралы хабарлама жіберілген сәттен бастап 30 (отыз) күнтізбелік күн ішінде Төлеуші төлеген ақшалай қаражатты қайтарады.
5.3. Ерекше емес қосалқы лицензияның құнын төлеуді Төлеуші мынадай тәсілдермен жүзеге асыруы мүмкін:
5.3.1. ақшалай қаражатты ұсынылған есепшотта көрсетілген деректер мен деректемелерге сәйкес Қосалқы лицензиардың есеп айырысу шотына қолма-қол ақшасыз аудару арқылы;
5.3.2. ақшалай қаражатты қолданыстағы заңнамада рұқсат етілген сомалар шегінде Қосалқы лицензиардың кассасына салу арқылы.
5.4. Лицензиялық сыйақы мына жағдайларда төленген болып есептеледі: ақшалай қаражаттың тиісті сомасы Төлеушіден Қосалқы лицензиардың есеп айырысу шотына түскен сәттен бастап немесе ақшалай қаражатты қолданыстағы заңнамада рұқсат етілген сомалар шегінде Қосалқы лицензиардың кассасына салғанда.
5.5. Объектке ерекше емес қосалқы лицензияны Ақырғы пайдаланушыға беру Ақырғы пайдаланушының Электронды адресіне Хабарлама жіберу фактісімен, сондай-ақ осы Қағидаларда көрсетілген тәртіппен (Қағидалардың 4.3.4.-тармағы) берілген ерекше емес қосалқы лицензия бойынша Ақырғы пайдаланушының Сублицензиарға қағаз тасымалдағышта қойылған жазбаша кінәрат-талаптарының болмауымен және осы Қағидалардың 5.6.-тармағына сәйкес ерекше емес қосалқы лицензияны беру актімен расталады. Ақырғы пайдаланушыда Қосалқы лицензиар Объектке берген ерекше емес қосалқы лицензия бойынша ескертулер туындаған жағдайда, Ақырғы пайдаланушы Қосалқы лицензиарға ескертулердің сипатын сипаттайтын тиісті жазбаша кінәрат-талапты қағаз тасымалдағышта осы Қағидалардың 4.3.4.-тармағында белгіленген тәртіппен қоюға міндетті. Қосалқы лицензиар кінәрат-талапты алған сәттен бастап 10 (он) жұмыс күні ішінде Ақырғы пайдаланушы қойған кінәрат-талаптарды қарастыруға және олар негізделген болса, қойылған кінәрат-талаптарды жою мерзімдерін Ақырғы пайдаланушымен келісуге міндетті.
5.6. Ерекше емес қосалқы лицензияны беру актін Қосалқы лицензиар құрады және Ақырғы пайдаланушыға жібереді (береді).
Ерекше емес қосалқы лицензияны беру актін Қосалқы лицензиар біржақты тәртіппен рәсімдейді.
Ақырғы пайдаланушы Ақырғы пайдаланушының Электронды адресіне Объектті пайдалану құқықтарын белсендіру туралы ақпараты бар Хабарлама жіберілген сәттен бастап 10 (он) күнтізбелік күн ішінде Қосалқы лицензиар беретін Объектке ерекше емес қосалқы лицензия бойынша қандай да бір жазбаша кінәрат-талапты қоймаса, онда бұл Ақырғы пайдаланушының қосалқы лицензияның Ақырғы пайдаланушыға уақтылы, толық көлемде және тиісті түрде берілгендігі туралы сөзсіз келісімі ретінде қарастырылатындығымен сөзсіз келіседі.
5.7. Объектке ерекше емес қосалқы лицензияны бергені үшін Қосалқы лицензиардың сыйақысы ҚҚС-ты келесі жағдайда қамтиды: егер Қосалқы лицензиар ҚҚС-ты төлеуші болып табылса, ал іске асыру орны Қазақстан Республикасының аумағы болып танылса.
5.8. Ақырғы пайдаланушы тарапындағы барлық банктік шығындарды, корреспондент банктердің шығындарын, комиссияларды Ақырғы пайдаланушы, ал Қосалқы лицензиар тарапындағы барлық банктік шығындарды, корреспондент банктердің шығындарын, комиссияларды Қосалқы лицензиар көтереді.

6. ТАРАПТАРДЫҢ ЖАУАПКЕРШІЛІГІ
6.1. Тараптар Қосалқы лицензиялық келісім-шарт бойынша өз міндеттемелерін орындамағаны немесе тиісінше орындамағаны үшін Қазақстан Республикасының заңнамасына сәйкес жауапты болады.
6.2. Тараптар Қосалқы лицензиардан өндіріп алынуы мүмкін залалдың ең жоғары мөлшері орындалмауы, не тиісінше орындалмауы залал келтіруге әкеп соққан Объектке ерекше емес қосалқы лицензияның Ақырғы пайдаланушысы төлеген сомамен шектелетінімен сөзсіз келіседі.
6.3. Ақырғы пайдаланушы Интернет желісін, Объектті, ақпараттық ресурстарды немесе Қосалқы лицензиардың қызметтерін пайдалану барысында жасаған кез келген әрекеттері үшін, сондай-ақ осындай әрекеттердің салдары үшін өз бетінше жауапты болады.
Ақырғы пайдаланушы уақытша құпиясөзді ауыстыру жөніндегі міндетті бұзған жағдайда (осы Қағидалардың 4.3.3.-тармағы), Қосалқы лицензиар уақытша құпиясөзді ауыстыру үшін белгіленген мерзімді бұзған әрбір күн үшін Ақырғы пайдаланушыдан 6 000 (алты мың) теңге мөлшерінде айыппұл өндіріп алуға құқылы.
6.4. Объект Ақырғы пайдаланушыға халықаралық тәжірибеде қабылданған қағидатқа сәйкес «бар қалпында» беріледі, Объектпен байланысты ешқандай айқын немесе болжамды кепілдіктер бермейді, оның ішінде коммерциялық жарамдылық немесе белгілі бір мақсатқа жарамдылық, Объектті пайдалану нәтижелерінің Ақырғы пайдаланушының күткеніне сәйкес келмеуі, басқа бағдарламалық өнімдермен үйлесімділік сияқты.
Қосалқы лицензиар Ақырғы пайдаланушы персоналының не үшінші тұлғалардың заңсыз әрекеттері, сондай-ақ техникалық құралдардың ақаулары мен электр жабдығының істен шығуы нәтижесінде туындаған Объектті пайдалану кезіндегі бұзушылықтардан және/немесе қателіктерден келтірілген Ақырғы пайдаланушының залалдарына жауапты болмайды және оларды өтемейді.
6.5. Қосалқы лицензиар қолданыстағы заңнамада рұқсат етілген шектерде Қосалқы лицензиардың Сайтына/Лицензиардың Сайттарына және оларды пайдалануға қатысты барлық кепілдіктер мен шарттарды болдырмайды. Қосалқы лицензиар Қосалқы лицензиардың Сайтының/Лицензиардың Сайттарының қатесіз немесе үздіксіз жұмыс істейтініне немесе олар Ақырғы пайдаланушының кез келген нақты талаптарына сәйкес келетініне кепілдік бермейді.
6.6. Ақырғы пайдаланушы пайдалану құқығы беріліп отырған Объекттің маңызды функционалдық қасиеттерін білетіндігін растайды. Ақырғы пайдаланушы Объекттің өз қалауы мен қажеттіліктеріне сәйкес келмеу қаупін, сондай-ақ беріліп отырған құқықтардың шарттары мен көлемінің өз қалауы мен қажеттіліктеріне сәйкес келмеу қаупін көтереді. Қосалқы лицензиар пайда болу себептеріне қарамастан (ерекше, кездейсоқ немесе жанама зақымды, алынбаған пайдаға, коммерциялық немесе өндірістік қызметтің үзілуіне, іскерлік ақпараттың жоғалуына, немқұрайлылыққа байланысты келтірілген залалдарды немесе басқа қандай да бір залалдарды қоса алғанда, бірақ онымен шектелмей) Объектті пайдаланудан немесе пайдалана алмаудан туындаған қандай да бір залалдар, зақым үшін жауап бермейді.
6.7. Ақырғы пайдаланушы Қосалқы лицензиардың Сайтының/Лицензиардың Сайттарының кейбір беттері көпшілікке қолжетімді екенін және синдикациялық бағдарламалар (деректерді беру құралдарын қоса алғанда), іздеу жүйелері, метаіздеу, сканерлер және басқа да осыған ұқсас бағдарламалар үшін қолжетімді болуы мүмкін екенін түсінеді.
6.8. Қосалқы лицензиар мыналарға кепілдік бермейді: Қосалқы лицензиардың Сайтындағы/Лицензиардың Сайттарындағы кез келген ақпараттың дәлдігіне, толықтығына немесе пайдалылығына және кез келген тәсілмен жасалған кез келген пікірдің, кеңестің немесе мәлімдеменің дәлдігі мен шынайылығы үшін жауапкершілікті қабылдамайды. Қосалқы лицензиар немесе оның үлестес тұлғалары Ақырғы пайдаланушының Қосалқы лицензиардың Сайтында/Лицензиардың Сайттарында орналастырылған немесе үшінші тұлғаларға берілген ақпаратқа тәуелділігі нәтижесінде туындаған кез келген залалдар немесе зақым үшін ешбір жағдайда жауапты болмайды.
6.9. Қолданыстағы заңнамада рұқсат етілген шектерде Қосалқы лицензиар Ақырғы пайдаланушының немесе үшінші тұлғалардың Қосалқы лицензиардың Сайтына/Лицензиардың Сайттарына немесе Объектке қол жеткізуі, оларды пайдалануы нәтижесінде туындаған қандай да бір жанама, ерекше немесе кездейсоқ залалдар немесе алынбай қалған пайда үшін жауапты болмайды, олар Қосалқы лицензия келісім-шарттың бұзылғанына, кепілдіктің бұзылғанына (немқұрайлылықты қоса алғанда) негізделгеніне немесе кез келген басқа себептердің нәтижесінде пайда болғанына қарамастан. Бұл Ақырғы пайдаланушының Қосалқы лицензиардың Сайтына/Лицензиардың Сайттарына немесе Объектке қол жеткізуге немесе оларды пайдалануға қабілетсіздігін (оның ішінде Объектті пайдалану құқығын өзгертуге, тоқтата тұруға, бұғаттауға, болдырмауға немесе тоқтатуға байланысты) қамтиды.
6.10. Қосалқы лицензиар сонымен қатар үшінші тұлғалардың жала жабатын, қорлайтын пайымдаулары, алаяқтық немесе басқа да заңсыз әрекеттері үшін жауап бермейді.
6.11. Қосалқы лицензиар Ақырғы пайдаланушының және үшінші тараптың сайттары, соның ішінде олардың мазмұны мен бағдарламалық жасақтамасы, Объект пен бағдарламалық жасақтама немесе жабдық арасындағы үйлесімсіздік үшін жауапты болмайды.
6.12. Ақырғы пайдаланушылар Объектті пайдалану арқылы жүктелген немесе басқа жолмен берілген (кез келген графикалық, мәтіндік, аудиовизуалды немесе басқа мультимедиялық контентті қоса алғанда) кез келген материалға жауапты болады. Ақырғы пайдаланушылар Ақырғы пайдаланушылар Объектті пайдалану арқылы жүктейтін материалдармен байланысты, зияткерлік меншік құқықтарын бұзуды, намысқа, абыройға немесе іскерлік беделге нұқсан келтіруді қоса алғанда, үшінші тұлғалардың құқықтарының кез келген ықтимал бұзылуы үшін өз бетінше жауапты болады. Қосалқы лицензиарға орналастырылатын ақпараттың мазмұнына байланысты үшінші тұлғалардың кінәрат-талаптары қойылған жағдайда, Ақырғы пайдаланушы өз бетінше және өз есебінен осындай кінәрат-талаптарды реттеуге, сондай-ақ Қосалқы лицензиарға келтірілген залалдарды өтеуге міндеттенеді.
6.13. Қосалқы лицензиар Ақырғы пайдаланушыда олар туралы ақпарат Объектте өңделетін, орналастырылатын, өзгертілетін компанияларға, интернет-ресурстарға және өзге де объекттерге қатысты жеткілікті өкілеттіктердің болуы үшін жауапты болмайды. Мұндай өкілеттіктердің болуына Ақырғы пайдаланушы жауапты болады.
6.14. Қосалқы лицензиар Қосалқы лицензиялық келісім-шарт бойынша міндеттемелердің орындалмағаны немесе тиісінше орындалмағаны үшін, сондай-ақ ақпараттық қауіпсіздіктің немесе Объекттің қалыпты жұмыс істеуін бұзуға бағытталған Интернет желісін пайдаланушылардың заңсыз әрекеттері нәтижесінде туындаған алынбай қалған пайда мен ықтимал зақымды қоса алғанда, Ақырғы пайдаланушының тікелей және жанама залалдары; Ақырғы пайдаланушының компьютері мен Қосалқы лицензиардың Сайты/Лицензиардың Сайттары арасында Интернет байланыстарының болмауы үшін; мемлекеттік және муниципалдық органдардың, сондай-ақ өзге де ұйымдардың жедел-іздестіру іс-шаралары шеңберінде іс-әрекеттер жүргізуі; Интернет желісінде коммерциялық ұйымдардың шаруашылық қызметін мемлекеттік реттеуді (немесе өзге ұйымдардың реттеуін) белгілеу және/немесе аталған субъекттердің осы Қағидаларды орындауды қиындататын немесе мүмкін етпейтін бір реттік шектеулерді белгілеуі; және Интернет желісін және/немесе компьютерлік жабдықты пайдалана отырып, жалпы жағдайды нашарлатуға бағытталған Интернет желісін пайдаланушылардың және/немесе басқа субъекттердің әрекеттеріне (әрекетсіздігіне) байланысты басқа жағдайлар үшін жауапты болмайды.
6.15. Ақырғы пайдаланушы кез келген материалдарды, оның ішінде жарнамалық материалдар мен авторлық құқық объекті болып табылатын материалдарды орналастыруға Қазақстан Республикасының және құқығы қолданылуы мүмкін кез келген басқа елдің қолданыстағы заңнамасына сәйкес жауапты болады.
6.16. Заңды түрде талап етілсе немесе Қосалқы лицензиар мұндай қарау, пайдалану, ашу немесе сақтау (a) сот шешімін немесе құқық қорғау органдарының сұратымын орындау; (b) Қосалқы лицензиялық келісім-шарттың берілген шарттарын қамтамасыз ету, оның ішінде олардың кез келген ықтимал бұзылуын тексеру; © қауіпсіздікке төнген қатерлерді, алаяқтықты немесе техникалық ақауларды анықтау, болғызбау немесе оларға өзге де жауап қату; сондай-ақ (d) Қосалқы лицензиардың құқықтарын, меншігін немесе қауіпсіздігін заңнама талап еткендей немесе көздегендей қорғау үшін негізді түрде қажет деп санаса, Ақырғы пайдаланушы Қосалқы лицензиардың Ақырғы пайдаланушының есептік жазбасы туралы ақпаратты және Ақырғы пайдаланушының Объекттегі деректерін қарай, пайдалана, сақтай және/немесе аша алатынын растайды және онымен келіседі.
6.17. Лицензиар мен Қосалқы лицензиар Лицензиар мен Қосалқы лицензиардың меншікті ақпараттық-техникалық ресурстарынан тыс орналасқан немесе жұмыс істеуіне Лицензиар мен Қосалқы лицензиардың әсер ету мүмкіндігі жоқ бөгде ақпараттық жүйелердің, ресурстардың, сервистердің (оның ішінде картографиялық) жұмысқа қабілетсіздігі, қызметтер көрсетуді (тартылған орындаушылар (мердігерлер) жұмыстарды орындауды) көрсетпеу (тоқтата тұру) үшін жауапты болмайды, сондай-ақ Ақырғы пайдаланушының бизнесі (оның ішінде Локацияларды рәсімдеу) және (немесе) оның материалдары алаңдардың, сервистердің, ресурстардың талаптарына сәйкес келмеген жағдайда. Мұндай жағдайда, егер Тараптардың келісімінде өзгесі көзделмесе, мұндай жұмысқа қабілетсіздік мерзімі үшін лицензиялық сыйақы қайта есептелуге және (немесе) қайтарылуға жатпайды.

7. ЕҢСЕРІЛМЕЙТІН КҮШ (ФОРС-МАЖОР)
7.1. Тараптар Қосалқы лицензиялық келісім-шарт бойынша өз міндеттемелерін ішінара орындағаны немесе толық орындамағаны үшін жауапкершіліктен, егер бұл Қосалқы лицензиялық келісім-шарт жасалғаннан кейін Тараптар болжай алмаған немесе зерделі шаралармен алдын ала алмаған төтенше сипаттағы оқиғалар нәтижесінде туындаған еңсерілмейтін күш жағдайлары әрекетінің салдары (форс-мажор) болып табылса, босатылады.
7.2. Еңсерілмейтін күш жағдайларына Тарап ықпал ете алмайтын және оның пайда болуы үшін ол жауап бермейтін оқиғалар жатады: соғыс, көтеріліс, ереуіл, жер сілкінісі, су тасқыны, өрт, сұрапыл ауа райы жағдайлары немесе басқа да табиғи апаттар, электр қуатының үзілуі, Интернет желісінің белорус, ресейлік, қазақстандық және халықаралық сегменттерінің жұмысындағы жаһандық үзілулер, маршруттау жүйелерінің іркілісі, домендік атаулардың таратылған жүйесіндегі іркілістер, хакерлік және DOS-шабуылдардан, сондай-ақ үшінші тұлғалардың өзге де құқыққа қайшы әрекеттерінен туындаған іркілістер, Қосалқы лицензиялық келісім-шартқа қол қойылғаннан кейін қабылданған және Қосалқы лицензиялық келісім-шартта белгіленген міндеттемелерді орындауға мүмкіндік бермейтін мемлекеттік органдар мен лауазымды тұлғалардың үкіметтік қаулылары, өкімдері (жарлықтары), құзыретті органдардың заңдары мен өзге де нормативтік актілері, сондай-ақ мемлекеттік немесе жергілікті мемлекеттік билік және басқару органдарының немесе олардың өкілдерінің Қосалқы лицензиялық келісім-шарт шарттарының орындалуына кедергі келтіретін әрекеттері, және Тараптардың ықпал ету аясынан тыс, бірақ көрсетілгендермен шектелмейтін басқа да күтпеген жағдайлар, оның ішінде қалалық электр желісіндегі ақаулар, Интернет желісінің транзиттік тораптарындағы техникалық проблемалар және деректерді беру желілерінің жұмыс істеуінің өзге де бұзылулары.
7.3. Мұндай жағдайлардың туындау фактісі және олардың ұзақтығы Тарап резиденті болып табылатын Қазақстан Республикасының уәкілетті органы немесе өзге де құзыретті орган берген құжатпен расталуға тиіс. Мұндай құжаттамалық растау, егер осы жағдайлар іс жүзінде жалпыға белгілі болып табылса және екі Тараппен де жалпыға белгілі болып танылса, талап етілмейді.
7.4. Осы Қағидалардың 7.1.-7.2.-тармақтарында көрсетілген жағдайлар басталған кезде әр Тарап олар туралы екінші Тарапқа Электронды пошта арқылы кідіріссіз (жағдайлар басталған күннен бастап бір күнтізбелік күннен кешіктірілмейтін мерзімде) хабарлауға тиіс. Хабарламада жағдайлардың сипаты туралы деректер, сондай-ақ осы жағдайлардың болуын куәландыратын және мүмкіндігінше олардың Тараптың Қосалқы лицензиялық келісім-шарт бойынша өз міндеттемелерін орындау мүмкіндігіне ықпалын бағалайтын ресми құжаттар болуға тиіс.
7.5. Қосалқы лицензиялық келісім-шарт бойынша міндеттемелерді орындауға кедергі келтіретін еңсерілмейтін күш жағдайлары туындаған кезде Тараптардың мұндай міндеттемелерді орындау мерзімі осындай жағдайлардың әрекет ету уақытына, сондай-ақ олардың салдарын жою үшін талап етілетін, бірақ күнтізбелік алпыс күннен аспайтын уақытқа пропорционалды түрде шегеріледі.
7.6. Егер еңсерілмейтін күш жағдайлары осы Қағидалардың 7.5.-тармағында көрсетілген мерзімнен артық әрекет етуді жалғастырса, немесе олар туындаған кезде екі Тарапқа да жағдайлардың осы мерзімнен артық әрекет ететіні анық болғанда, Тараптар Қосалқы лицензиялық келісім-шартты орындаудың немесе оны залалдарды өтемей тоқтатудың баламалы тәсілдерінің мүмкіндіктерін талқылауға міндеттенеді.

8. ҚҰПИЯЛЫЛЫҚ САЯСАТЫ
8.1. Қосалқы лицензиялық келісім-шартты жасасу арқылы Ақырғы пайдаланушы, егер ол дербес деректер субъектісі болып табылса, еркін, өз еркімен және өз мүддесінде Қосалқы лицензиарға Қосалқы лицензиялық келісім-шартта көрсетілген немесе соларға байланысты берілген кез келген дербес деректерді мына мақсаттарда өңдеуге келісім береді:
- Қосалқы лицензиялық келісім-шартты орындау;
- Ақырғы пайдаланушымен Қосалқы лицензиялық келісім-шарттың қолданылу мерзімі өткеннен кейін телефон нөмірі және/немесе email арқылы ақпараттық және жарнамалық жіберулерді жүзеге асыру үшін өзара әрекеттесу;
- Қосалқы лицензиармен өзге де азаматтық-құқықтық, оның ішінде 2GIS бағдарламалық өнімдеріне, 2GIS онлайн-сервистеріне және Қосалқы лицензиардың өзге де сервистері мен қызметтеріне қатысты, келісім-шарттар жасасу.
Дербес деректерге мыналар кіреді:

• аты, тегі, әкесінің аты;
• туған күні;
• жынысы;
• электронды пошта адресі;
• телефон нөмірі;
• компанияның атауы, лауазымы.

Өңдеу автоматтандыру құралдарын пайдалана отырып немесе ондай құралдарды пайдаланбай дербес деректермен, жинауды, жазуды, жүйелеуді, жинақтауды, сақтауды, нақтылауды (жаңартуды, өзгертуді), шығарып алуды, пайдалануды, иесіздендіруді, бұғаттауды, жоюды, жоқ қылуды қоса алғанда, кез келген әрекетті (операцияны) немесе әрекеттердің (операциялардың) жиынтығын, сондай-ақ дербес деректермен Қазақстан Республикасының қолданыстағы заңнамасында көзделген басқа да әрекеттерді жүзеге асыруды қамтиды.

Қосалқы лицензиялық келісім-шартты жасаса/Офертаны акцептей отырып, Ақырғы пайдаланушы, егер ол дербес деректер субъектісі болып табылса, Лицензиардың сәлемхатты (welcome-хатты) Ақырғы пайдаланушыға жіберуі мақсатында 2GIS Жеке кабинетінде Лицензиар Объектісіне ерекше емес қосалқы лицензия сатып алу кезінде Ақырғы пайдаланушы көрсеткен электронды адрестерді (e-mail) Қосалқы лицензиардың Лицензиарға, немесе егер Ақырғы пайдаланушы келісім-шарт жасаса/«ДубльГИС» ЖШҚ офертасын акцептесе - Лицензиарға одан әрі беру үшін «ДубльГИС» жауапкершілігі шектеулі қоғамына (Негізгі мемлекеттік тіркеу нөмірі: 1 045 401 929 847, салық төлеушінің сәйкестендіру нөмірі: 5 405 276 278, 630 048, Новосібір облысы, Новосібір қаласы, Карл Маркс атындағы алаң, 7-үй, 13-қабат мекенжайында орналасқан) беруіне, оның ішінде трансшекаралық беруіне, еркін, өз еркімен және өз мүддесінде келісім береді.

Ақырғы пайдаланушының келісімі Қосалқы лицензиялық келісім-шарттың қолданылу мерзімі шегінде және оның қолданысы тоқтатылғаннан кейін 10 (он) жыл ішінде жарамды. Келісімді Ақырғы пайдаланушы Қосалқы лицензиарға тиісті жазбаша өтініш жіберу арқылы кері қайтарып алуы мүмкін.
Қосалқы лицензиялық келісім-шартты жасасу арқылы Ақырғы пайдаланушы сонымен қатар Ақырғы пайдаланушының қызметкерлерінің және/немесе өкілдерінің дербес деректерін Қосалқы лицензиарға Қағидалардың осы тармағында көрсетілген мақсаттарда берген сәтке дейін Ақырғы пайдаланушының олардың дербес деректерін Қосалқы лицензиялық келісім-шарттың қолданылу мерзіміне және ол тоқтатылған кезден бастап 10 жыл ішінде өңдеуге және Қосалқы лицензиарға, сондай-ақ (Негізгі мемлекеттік тіркеу нөмірі: 1 045 401 929 847, салық төлеушінің жеке нөмірі: 5 405 276 278, 630 048, Новосібір облысы, Новосібір қаласы, Карл Маркс атындағы алаң, 7-үй, 13-қабат мекенжайы бойынша орналасқан) «ДубльГИС» ЖШҚ-сының мекенжайы бойынша беруге және дербес деректерді Қағидалардың осы тармағында көрсетілген мақсаттарда және тәсілдермен өңдеуге олардың келісімін алғанына кепілдік береді. Осы тармақта көрсетілген дербес деректерді өңдеуге келісімді Ақырғы пайдаланушының қандай да бір қызметкерінің және/немесе өкілінің кері қайтарып алуы туралы Ақырғы пайдаланушы Қосалқы лицензиарға дереу хабарлауға тиіс.
Қосалқы лицензиар дербес деректерді Қағидалардың осы тармағына сәйкес өңдеу кезінде дербес деректердің құпиялылығын сақтауға және оларды өңдеу кезінде дербес деректердің қауіпсіздігін қамтамасыз етуге міндеттенеді.
8.2. Ақырғы пайдаланушылар Лицензиар Объектісінің пайдаланушылары бола отырып, рефералды (бірегей) сілтемелер құру және оларды пікір қалдыру үшін өз клиенттері арасында тарату, сондай-ақ Лицензиар Объектісі арқылы Ақырғы пайдаланушылардың жұмысы және (немесе) қызметтері туралы пікірлер қалыптастыру мүмкіндігіне ие.
8.3. Ақырғы пайдаланушының клиенттерінің дербес деректерін (телефон нөмірлерін) Объектке орналастырмас бұрын, Ақырғы пайдаланушы өзінің клиенттеріне хабарлар жіберуге барлық қажетті рұқсаттар мен келісімдерді алғанына кепілдік береді.
8.4. Клиенттерден келісім алу Ақырғы пайдаланушылардың міндеті болып табылады және Қосалқы лицензиардың бақылауынан және жауапкершілігінен тыс болады. Сондай-ақ Қосалқы лицензиар Объектті пайдалану арқылы Ақырғы пайдаланушылармен жоғарыда көрсетілген сілтемелер жіберілетін адресаттарды (дербес деректер субъектілерін) анықтауға қатыспайды.
8.5. Егер Ақырғы пайдаланушы жоғарыда көрсетілген сілтемелерді Ақырғы пайдаланушының клиенттерінің атына пікір қалдыру үшін жіберген жағдайда, онда Ақырғы пайдаланушы «Дербес деректер және оларды қорғау туралы» Қазақстан Республикасының 2013 жылғы 21 мамырдағы №94-V ҚРЗ Заңына сәйкес Оператор/Меншік иесі болып табылады. Осыған байланысты, Ақырғы пайдаланушы Лицензиарға Ақырғы пайдаланушының мүддесі үшін және тек қана «Отзывы Про» бағдарламалық жасақтамасын пайдалану мақсатында өз клиенттерінің мынадай дербес деректерін өңдеуді жүзеге асыруды тапсырады: тегі, аты; телефон нөмірі; электронды пошта адресі; баға, пікір мәтіні.
8.6. Ақырғы пайдаланушы (Дербес деректерді өңдеу операторы/меншік иесі) үшінші тұлғалардан олардың дербес деректерін «Дербес деректер және оларды қорғау туралы» Қазақстан Республикасының 2013 жылғы 21 мамырдағы №94-V ҚРЗ Заңының талаптарына сәйкес өңдеуге тиісті келісім алынғанын растайды.
8.7. Қағидалардың 8.5.-тармағында көрсетілген мақсаттар үшін Ақырғы пайдаланушы жинауды, жазуды, жүйелеуді, жинақтауды, сақтауды, нақтылауды (жаңартуды, өзгертуді), беруді (оның ішінде трансшекаралық), пайдалануды, бұғаттауды, жоюды, жоқ қылуды қоса алғанда, автоматтандыру құралдарын пайдалана отырып және/немесе оларды пайдаланбай, Лицензиарға дербес деректерді өңдеуді жүзеге асыруды тапсырады.
8.8. Тараптар Қосалқы лицензиялық келісім-шарттың орындалуына қатысты кез келген ақпаратты Құпия Ақпарат деп санауға уағдаласты, мыналарды қоса алғанда, бірақ олармен шектелмей:
- Қосалқы лицензиялық келісім-шарт бойынша өзара әрекеттесу барысында Тараптарға белгілі болған дербес деректерді;
- Қосалқы лицензиялық келісім-шарт бойынша міндеттемелерді орындау кезіндегі Тараптардың жұмыс тәртібін;
- Тараптар арасындағы электрондық хат алмасуда қамтылған ақпаратты;
- Қосалқы лицензиялық келісім-шарт бойынша Тараптардың өзара қарым-қатынасына қатысты қаржылық және өзге де мәселелерді.
8.9. Тараптар Қосалқы лицензиялық келісім-шарттың қолданылу мерзімі ішінде және ол аяқталғаннан кейін олар екінші Тараптың тікелей жазбаша келісімінсіз Құпия Ақпараттың кез келген бөлігін жария етпеуге және Құпия Ақпаратты, Тараптардың Қосалқы лицензиялық келісім-шарт бойынша өз міндеттемелерін орындауға тікелей қатысатын тұлғаларды қоспағанда, үшінші тұлғалардың қол жеткізуінен сақтау үшін барлық зерделі күш-жігерді салуға міндеттенетінімен келіседі.

9. ОСЫ ҚАҒИДАЛАРДЫҢ ЖӘНЕ ҚОСАЛҚЫ ЛИЦЕНЗИЯЛЫҚ КЕЛІСІМ-ШАРТТЫҢ ҚОЛДАНЫЛУ МЕРЗІМІ ЖӘНЕ ОНЫ БҰЗУ ТӘРТІБІ
9.1. Осы Қағидалар Қосалқы лицензиялық келісім-шарт жасалған күннен бастап және Қосалқы лицензиялық келісім-шарттың қолданылу мерзімі аяқталғанға дейін, бірақ кез келген жағдайда — Тараптар міндеттемелерді толық орындағанға дейін қолданылады.
9.2. Қосалқы лицензиялық келісім-шарт кез келген уақытта Тараптардың келісімі бойынша не осы Қағидаларда немесе қолданылатын заңнамада көзделген жағдайларда Тараптардың бірінің бастамасы бойынша бұзылуы мүмкін.
9.3. Ақырғы пайдаланушы осы Қағидалардың ережелерін елеулі түрде бұзған жағдайда, Қосалқы лицензиар Қосалқы лицензиялық келісім-шартты бұзу күніне дейін 14 (он төрт) күнтізбелік күн бұрын Ақырғы пайдаланушыны жазбаша түрде алдын ала хабардар ете отырып, біржақты тәртіппен Қосалқы лицензиялық келісім-шартты орындаудан бас тартуға және Ақырғы пайдаланушыдан Қосалқы лицензиялық келісім-шартты бұзуға байланысты залалдарды өндіріп алуға құқылы.
9.4. Осы Қағидаларды және Қосалқы лицензиялық келісім-шартты елеулі түрде бұзу деп Тараптар мынадай бұзушылықтарды түсінеді:
9.4.1. Қосалқы лицензиялық келісім-шарттың бұзылуына жол берген Ақырғы пайдаланушы оны Қосалқы лицензиардан тиісті жазбаша талап алған кезден бастап 14 (он төрт) күн ішінде жоймайды;
9.4.2. Ақырғы пайдаланушы осы Қағидалардың және Қосалқы лицензиялық келісім-шарттың шарттарының үшінші біртипті бұзылуына жол берді.
9.5. Ақырғы пайдаланушы ерекше емес қосалқы лицензияның күші жойылған жағдайда, ол Қосалқы лицензиар Объектке ерекше емес қосалқы лицензияны, тіпті егер аталған қосалқы лицензияға құқықтардың қолданылу мерзімі әлі аяқталмаған болса да, толық көлемде бергенін сөзсіз мойындайтынын растайды.
9.6. Ақырғы пайдаланушы ерекше емес қосалқы лицензияның күші жойылған жағдайда, ол Қосалқы лицензиардан Объектке ерекше емес қосалқы лицензияны пайдалану құқықтарын төлеу есебіне төленген қандай да бір соманы, тіпті егер аталған құқықтардың қолданылу мерзімі әлі аяқталмаған болса да, қайтаруды талап ету құқығынан айырылатынымен сөзсіз келіседі.
9.7. Қағидалардан және Қосалқы лицензиялық келісім-шарттан туындайтын Тараптардың міндеттемелері тоқтатылған, ерекше емес қосалқы лицензияның күші жойылған жағдайда, Ақырғы пайдаланушы Объектті пайдалануды және (немесе) оған қол жеткізуді тоқтатуға міндетті.

10. ЕСКЕРТПЕЛЕР МЕН ХАБАРЛАМАЛАР
10.1. Тараптар қағаз тасымалдағыштағы құжаттарды рәсімдеу заңнаманың немесе осы Қағидалардың талаптарына байланысты міндетті болып табылатын жағдайларды, атап айтқанда, қарапайым жазбаша нысан талап етілетін құжаттарды қоспағанда, электронды пошта арналары арқылы алынған және/немесе осы Қағидаларда көрсетілген адрестер бойынша электронды нысанда орналастырылған құжаттар мәтіндерінің заңды күшін қағаз тасымалдағышта қарапайым жазбаша нысанда орындалған құжаттармен тең дәрежеде мойындайтынына уағдаласады.
10.2. Тараптар осы Қағидаларда, Қосалқы лицензиялық келісім-шартта немесе Қосалқы лицензиялық келісім-шартты орындауға бағытталған құжаттарда (өтінімдерде, шоттарда, акттерде) көрсетілген электронды пошта адрестеріне алынған барлық хат алмасу, ескертпелер мен хабарламалар Тараптардың деректемелері ретінде адресатқа тиісті нысанда жеткізілді деп есептелетінімен келіседі.
10.3. Тараптар олардың электронды пошта адрестеріне келіп түсетін корреспонденцияны уақтылы тексеруге міндетті.
10.4. Осы Қағидалардың 10.3.-тармағының талаптарын сақтамау нәтижесінде қолайсыз салдарлардың туындауына байланысты барлық қауіптерді осындай бұзушылыққа жол берген Тарап көтереді.
10.5. Тараптар байланыс арналарына, сондай-ақ Аккаунтқа қолжетімділігі бар тұлғалардың әрекеттері үшін барлық жауапкершілікті өзіне алады.

11. ҚАҒИДАЛАРҒА ЖӘНЕ ҚОСАЛҚЫ ЛИЦЕНЗИЯЛЫҚ КЕЛІСІМ-ШАРТҚА, МІНДЕТТІ ҚҰЖАТТАРҒА ӨЗГЕРТУЛЕР МЕН ТОЛЫҚТЫРУЛАР ЕНГІЗУ ТӘРТІБІ
11.1. Осы Қағидалар Қосалқы лицензиардың https://law.2gis.kz/reviews-pro Сайтында орналастырылған сәттен бастап күшіне енеді және оларды, егер осы Қағидаларда қолданудың өзге мерзімі айқындалмаса, осы Қағидаларға сәйкес кері қайтарып алу және/немесе өзгерту сәтіне дейін қолданылады.
11.2. Осы Қағидалар кез келген уақытта өзгертілуі және/немесе кері қайтарып алынуы мүмкін. Осы Қағидаларды өзгерту немесе кері қайтарып алу туралы мәліметтер Ақырғы пайдаланушыға https://law.2gis.kz/reviews-pro Сайтында осы қағидалардың жаңа редакциясын (не осы Қағидаларды кері қайтарып алу туралы хабарды) орналастыру арқылы жеткізіледі.
11.3. Осы Қағидалар кері қайтарып алынған немесе оларға өзгертулер енгізілген жағдайда, соңғысы бұл туралы мәліметтер Ақырғы пайдаланушыға жеткізілген сәттен бастап, егер олардың күшіне енуінің өзге мерзімі Қағидаларда айқындалмаса немесе мұндай хабарламада қосымша айқындалмаса, күшіне енеді.
11.4. Қосалқы лицензиардың осы Қағидаларға заңнаманың өзгеруіне байланысты енгізетін өзгертулері және/немесе толықтырулары заңнаманың тиісті актілеріне енгізілген өзгертулердің күшіне енуімен бір мезгілде күшіне енеді.
11.5. Қосалқы лицензиар Ақырғы пайдаланушыларды енгізілген өзгертулер туралы жіберілім арқылы хабардар етуге міндеттенбейді (бірақ мұны істей алады) және Қағидалардың осы бөлімінде көрсетілген сайтта орналастырылған ақпаратты жүйелі түрде тексеріп отыруды ұсынады.
11.6. Қағидаларда көрсетілген міндетті құжаттарды Қосалқы лицензиар өз қалауы бойынша бекітеді, толықтырады және өзгертеді және Ақырғы пайдаланушылардың назарына Қағидалардың өзгергені туралы Ақырғы пайдаланушыларды хабардар ету үшін көзделген тәртіппен жеткізіледі.

12. ДАУЛАРДЫ ШЕШУ ТӘРТІБІ
12.1. Осы Қағидаларға және Қосалқы лицензиялық келісім-шартқа байланысты барлық даулар мен келіспеушіліктерді тараптар келіссөздер арқылы шешуге міндеттенеді. Өзінің құқығы бұзылды деп санайтын Тарап екінші Тарапқа жазбаша кінәрат-талап жіберуге міндетті. Кінәрат-талапты алған Тарап оған дәлелді жауапты оны алған күннен бастап 10 (он) жұмыс күні ішінде жіберуге міндетті.
12.2. Егер Тараптар барлық даулы мәселелерді осы Қағидалардың 12.1.-тармағында белгіленген тәртіппен шеше алмаған жағдайда, осы Қағидалардан және Қосалқы лицензиялық келісім-шарттан туындайтын, оның ішінде оны жасасуға, өзгертуге, бұзуға, орындауға, оның қолданылмайтындығына байланысты барлық даулар Қазақстан Республикасының заңнамасына сәйкес сотта сот тәртібімен шешілуге тиіс. Қолданылатын құқық — Қазақстан Республикасының құқығы.

13. БАСҚА ШАРТТАР
13.1. Ақырғы пайдаланушы Қосалқы лицензиялық келісім-шарт жасасу кезінде мыналарға келісім береді:
— Қосалқы лицензиардың қызметіне байланысты (оның ішінде жарнамалық сипаттағы) ақпараттың жіберілімін Қосалқы лицензиардың Сайтында тіркеу деректерін толтыру кезінде көрсетілген және/немесе Ақырғы пайдаланушы компаниясының профильдерінде көрсетілген және/немесе Қосалқы лицензиялық келісім-шартта көрсетілген электронды пошта адрестеріне алуға;
— Қосалқы лицензиялық келісім-шартты жасасу және орындау кезінде Ақырғы пайдаланушы берген дербес және өзге де деректерді өңдеуге және пайдалануға;
— өзінің тауар белгісінің (қызмет көрсету белгісінің) Қосалқы лицензиардың портфолиосында және өзге де жарнамалық материалдарында пайдаланылуына.
13.2. Қосалқы лицензиялық келісім-шартты жасасу арқылы Ақырғы пайдаланушы былай деп мәлімдейді:
13.2.1. Аккаунтты тіркеу кезінде және Объектті пайдалану барысында оның көрсеткен ақпараты толық, шыншыл және дәл болып табылады;
13.2.2. ол Ақырғы пайдаланушы берген осындай ақпараттың бір бөлігі Қазақстан Республикасы заңнамасының талаптарына байланысты үшінші тұлғалар үшін қолжетімді болуы мүмкін екенін түсінеді және онымен келіседі.
13.3. Егер осы Қағидалардың қандай да бір шарттары заңды күшін жоғалтса, заңсыз деп танылса немесе осы Қағидалардан алып тасталса, онда бұл заң күшін сақтайтын және Тараптардың орындауы үшін міндетті болып табылатын осы Қағидалардың қалған шарттарының күші жоқтығына әкеп соқпайды.
13.4. Лицензиар біржақты тәртіппен Объектті жаңартуға және өзі беретін Объекттің баптау параметрлерін анықтауға құқылы. Лицензиар Объектті жаңартқаннан кейін Қосалқы Лицензиар да қажетті жаңартуларды жасайды.
Лицензиар өз қалауы бойынша өзгертулер енгізуге, аяқтап істеуге, қателер мен дәлсіздіктерді түзетуге, Объектті жақсартуға, оның ішінде сыртқы іздеу платформаларында пікірлер санын ұлғайту бөлігінде Объекттің функционалына қатысты кез келген өзгертулер енгізуге құқылы.
13.5. Осы Қағидалармен реттелмеген барлық мәселелер Қазақстан Республикасының қолданыстағы заңнамасына сәйкес шешіледі.

14. СЫБАЙЛАС ЖЕМҚОРЛЫҚҚА ҚАРСЫ ТҮСІНДІРМЕ
14.1. Қосалқы лицензиялық келісім-шартты жасасу, орындау, өзгерту және бұзу кезінде Тараптар өзіне мына міндеттемелерді қабылдайды:
14.1.1. Тараптар, олардың қызметкерлері, Қосалқы лицензиялық келісім-шарт бойынша уәкілетті өкілдері мен делдалдары кез келген тұлғаға жеке өзі немесе делдалдары арқылы осы және/немесе басқа адамдардың әрекеттеріне (әрекетсіздігіне) және/немесе шешімдеріне қандай да бір пайда (артықшылық) алу мақсатында немесе өзге мақсаттарға қол жеткізу үшін ықпал ету үшін қандай да бір ақшаны, бағалы қағаздарды, өзге де мүлікті ұсынбайды, беруге уәде етпейді, талап етпейді, беруге рұқсат бермейді, бермейді, мүліктік сипаттағы қызметтерді көрсетпейді, жұмыстарды орындамайды, қандай да бір мүліктік құқықтарды тікелей немесе жанама түрде бермейді.
14.1.2. Тараптар, олардың қызметкерлері, Қосалқы лицензиялық келісім-шарт бойынша уәкілетті өкілдері мен делдалдары қолданыстағы заңнамамен пара беру/алу, коммерциялық параға сатып алу, парақорлыққа/коммерциялық параға сатып алуға делдалдық ету, өкілеттіктерді теріс пайдалану, заңды тұлғаның атынан заңсыз сыйақы ретінде квалификацияланатын әрекеттерді (әрекетсіздікті), сондай-ақ қолданылатын заңнаманың және сыбайлас жемқорлыққа қарсы іс-қимыл саласындағы халықаралық құқықтың қолданылатын нормаларының талаптарын бұзатын өзге де әрекеттерді (әрекетсіздікті) жүзеге асырмайды.
14.1.3. Тараптар (i) мүдделер қайшылығының туындауы үшін негіз болып табылатын немесе болуы мүмкін өздеріне белгілі болған жағдайлар туралы бір-бірін хабардар етеді; (ii) мүдделер қайшылығының туындауына әкеп соғатын немесе туындау қаупін туғызатын әрекеттерді (әрекетсіздікті) жасаудан қалыс қалады; (iii) Қосалқы лицензиялық келісім-шарт бойынша Тараптардың қатынастары шеңберінде және оларға байланысты сыбайлас жемқорлық құқық бұзушылықтар мен мүдделер қайшылығын анықтау, алдын алу және болғызбау мақсатында бір-біріне өзге де жәрдем көрсетеді.
14.2. Қағидалардың 14.1.-тармағының ережелері Қосалқы лицензиялық келісім-шарт жасасқанға дейін туындаған, бірақ Қосалқы лицензиялық келісім-шарт жасасуға байланысты қатынастарға қолданылады.
14.3. Тарапта екінші Тарап, оның қызметкерлері, Қосалқы лицензиялық келісім-шарт бойынша өкілдері немесе делдалдары Қағидалардың 14.1.1.-14.1.3.-тармақтарының қандай да бір ережелерін нақты немесе ықтимал бұзғаны (бұдан әрі — Сыбайлас жемқорлық бағыттылығын бұзу) туралы мәліметтер пайда болған жағдайда, мұндай Тарап бұл туралы екінші Тарапты дереу жазбаша түрде хабардар етуге міндеттенеді. Мұндай хабарламада жасалған келісім-шарттың деректемелері көрсетілуі, хабарламаны жіберу үшін негіз болған Сыбайлас жемқорлық бағыттылығын бұзуға байланысты нақты жағдайлардың сипаттамасы болуға тиіс. Хабарламаға растайтын құжаттар және/немесе материалдар қоса тіркелуі тиіс [1].
Хабарламаны алған Тарап оның құпия қаралуын қамтамасыз етеді, сондай-ақ екінші Тарапқа хабарламаны алған күннен бастап 30 (отыз) күнтізбелік күн ішінде дәлелді жауап жібереді. Хабарламаны алған Тарап хабарламаны және/немесе растайтын құжаттарды және/немесе материалдарды жіберу үшін негіз болған Сыбайлас жемқорлық бағыттылығын бұзуға байланысты хабарламада берілген жағдайлармен келіспеген жағдайда, ол өз жауабында Сыбайлас жемқорлық бағыттылығын бұзу туралы жіберілген мәліметтерге қатысты қарсылық білдіруге тиіс.
14.4. (i) Тарап екінші Тараптан Сыбайлас жемқорлық бағыттылығының бұзылғанын растайтын жауапты алған, немесе (ii) Тарап екінші Тараптан алған жауапта Сыбайлас жемқорлық бағыттылығының бұзылуы туралы жіберілген мәліметтерге қатысты қарсылықтар болмаған жағдайларда, Тарап Қосалқы лицензиялық келісім-шартты бұзу туралы жазбаша хабарлама жібере отырып, Қосалқы лицензиялық келісім-шартты соттан тыс тәртіппен біржақты бұзуға құқылы.
Қосалқы лицензиялық келісім-шарт екінші Тарап Қосалқы лицензиялық келісім-шартты бұзу туралы тиісті жазбаша хабарлама алған күннен бастап 10 (он) күнтізбелік күн өткен соң бұзылды деп есептеледі. Бастамасы бойынша Қосалқы лицензиялық келісім-шарт бұзылған Тарап осы тармақтың ережелеріне сәйкес Қосалқы лицензиялық келісім-шартты осындай бұзу нәтижесінде туындаған нақты залалды өтеуді талап етуге құқылы.
[1] Оларға оқиғаларға қатысушылар мен олардың куәгерлерінің түсініктері, жазбаша құжаттар, электронды пошта, sms және мессенджерлер арқылы хат алмасу, аудио- және бейнежазбалар және т.б. жатады.

«Отзывы Про» бағдарламалық жасақтамасына

ерекше емес қосалқы лицензияны беру қағидаларының

№1 қосымшасы

СЕРІКТЕС САЙТТАРДЫҢ (АҚПАРАТТЫҚ РЕСУРСТАРДЫҢ) ТІЗБЕСІ

Google Maps, Yandex Maps, 2GIS, Apple Maps, Maps.me, OpenStreetMap, Сitymaps2go, Google Business Profile, Яндекс.Бизнес, Sygic travel, Яндекс.Навигатор, Navitel, Waze, TomТom, Osmand, Here maps, Garmin, Яндекс.Такси, Uber, Russia Wheely, Алиса, Google Assistant, Flamp.ru.